Пристигнаа лидерите: Започна лидерската средба меѓу Заев и Ахмети за состав на Влада
Лидерите на СДСМ и на ДУИ Зоран Заев и Али Ахмети попладнево пристигнаа во Клубот на пратениците каде што треба да одржат средба од која се очекува конечен договор за формирање владина коалиција.
Заев и Ахмети се придружувани од генералните секретари на партиите, Љупчо Николовски и Артан Груби.
Како што соопштија вчера СДСМ и ДУИ, постигнат е сериозен договор меѓу двете партии во преговорите за формирање влада, СДСМ закажа Централен и Извршен одбор за утре.
За време на викендот и вчера продолжиле интензивните работни средби меѓу претставниците на СДСМ и Коалицијата „Можеме“ и ДУИ со цел креирање коалициски договор за идна стабилна влада на Република Македонија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа