Ребиќ за протестите во Белград: Повредени 43 полицајци, уапсени 23 демонстранти, запалени 5 возила на МВР
Директорот на српската полиција Владимир Ребиќ вели дека полицијата за време на вчерашните протести изреагирала „крајно воздржано“, односно дека во околу 23:00 часот употребила хемиски средства. Повредени се најмалку 43 полицајци.
Поради протестите уапсени се 23 лица, вели Ребиќ. Запалени се 5 полициски возила, а повредени се и три коњи.
Ребиќ вели ека билансот од синоќешните протести и нереди во Белград е исклучително сериозен, што се однесува до полицијата.
„Имавме само 43 повредени полициски службеници, веројатно бројот е значително поголем затоа што оние со полесни повреди не се јавиле. Имаме податок за повредени 17 демонстранти“, рекол Ребиќ.
Приведени биле 23 демонстранти, а меѓу нив е и Дајан Кнежевиќ, кој може да се означи како организатор на упадот во Собраните.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа