СДСМ: Досега утврдени кандидатите за 51 општина, со најдобрата понуда, СДСМ е убедлив фаворит на локалните избори
По спроведувањето на потребните анализи консултации и испитување на јавното мислење, Извршниот одбор на СДСМ утврди уште 16 кандидати за градоначалници за претстојните локални избори, велат преку соопштение од СДСМ утринава.
-Досега од редовите на СДСМ утврдени се кандидати за 51 општина, од нив 16 се нови лица, луѓе кои досега не извршувале високи функции на локално ниво.
Ова се личности кои се угледни професионални, докажани и препознаени во своите средини, индивидуи кои се подготвени и мотивирани да работат за интересите на граѓаните во нивните општини.
СДСМ ја има најдобрата кадровска и програмска понуда за секоја општина. Тоа е препознаено и од граѓаните, затоа СДСМ води на сите анкети, затоа е убедлив фаворит на локалните избори.
Граѓаните знаат дека само со СДСМ е можно да продолжи развојот на општините и напредокот на државата- се наведува во соопштението.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
