СДСМ: Изминативе три години покажавме како се гради по план- Во 2021 година продолжуваме со реализација на клучни капитални инвестиции
Во изминатите три години СДСМ покажа како се гради по план, велат утринава преку сооптение од СДСМ.
Од партијата наведуваат дека инвестициите во развој и унапредување на инфраструктурата се еден од десетте приоритети во стратешката рамка „Акција 21" чијашто реализација значи Европа дома.
„Во Буџетот за 2021 година на Министерството за транспорт и врски, кој е развоен, огромен дел од проектираните средства или 83 проценти се наменети за капитални проекти.
Буџетот ќе обезбеди високо ниво на реализација на капиталните инвестиции во делот на гасификацијата, железничката и комуналната инфраструктура, истовремено и за изградба на социјални станови.
Клучен капитален проект е изградба на железницата на Коридор 8, пругата кон Бугарија во втората и третата фаза во вредност од 600 милиони евра.
Само во северо-источниот и источниот регион владата предводена од СДСМ, реализираше инвестиции од над 80 милиони евра.
Обезбедени се 937 милиони денари за изградба и реконструкција на канализациски и водоводни мрежи во општините, а за следната годин 615 милиони денари се обезбедени за изградба и санација на локални улици и патишта во општините.
Со 35 милиони евра, средства добиени преку пренамена од ТАВ, ќе се финансираат 99 локални проекти во 75 општини.
Навремената реализација на капиталните проекти за владата предводена од СДСМ ќе биде врвен приоритет, за што, ќе се формира меѓуресорско тело, под координација на министерот за финансии, за надгледување на процесите.
Преку одговорен, отворен и инклузивен пристап продолжува реализацијата на важни проекти за развој на секој дел од државата“ велат во соопштението.
29.12.2020 - 08:37
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
