СДСМ: Мицкоски ќе ги изгуби изборите во 2024 година, неговите изјави се за внатрешна употреба во ВМРО-ДПМНЕ

Парламентарните избори ќе се одржат во 2024 година и на тие избори Мицкоски ќе загуби.
 
Очајните постапки на Мицкоски и неговите изјави се лажни и единствено му служат за внатрешна употреба во ВМРО-ДПМНЕ. Таква е и последната изјава дека ќе освоел 61 пратеник, слична на изјавите на Никола Груевски.
 
Редовни избори во 2024 година е она што го плаши Христијан Мицкоски.  Знае дека го чека пораз.
 
Што сака Мицкоски да сокрие?
 
  1. Градоначалниците од ВМРО-ДПМНЕ се големо разочарување за граѓаните, за шест месеци не сработеа ништо, немаат ниту еден свој реализиран проект, тоа се најслабите градоначалници досега.
  2. Мицкоски не успева да го одбрани криминалот на Никола Груевски и ВМРО-ДПМНЕ, следува одговорност за сите криминалии.
  3. Не успева да го блокира Собранието, неговите деструкции се поразени.
  4. Постои незадоволство во ВМРО-ДПМНЕ од неговите лаги и неспособност, сака да купи уште некој месец за да прикаже дека нешто работи.
  5. Менаџирењето на Владата предводена од СДСМ со најголемата економска и енергетска криза по Втората светка војна дава успешен резултат, се штити стандардот на граѓаните.
 

 

Граѓаните го читаат Мицкоски како Буквар и знаат дека не вреди да се закочи, да се блокира и да и се наштети на државата само за тој да си ја задржи својата фотелја во белиот дворец. Тоа го знаат и внатре во ВМРО-ДПМНЕ. 
 

СДСМ - Центар за комуникации со јавноста

14.05.2022 - 19:14

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега