СДСМ: Мицкоски нема кандидати за градоначалници, никој не се кандидира за губитничка партија
На пет дена пред истекот на рокот за поднесување кандидатури за градоначалници, Христијан Мицкоски сè уште нема кандидати за огромен број општини, велат од СДСМ.
„Секому му е јасно дека со нечесниот и неодговорен однос кон граѓаните, Мицкоски и ВМРО-ДПМНЕ ги чека нов изборен пораз. Затоа никој не се нафаќа да биде кандидат на партија – губитник, затоа се почесто во јавноста излегуваат информации за конфликти внатре во ВМРО-ДПМНЕ и нивната губитничка коалиција“, стои во партиското соопштение во кое се нагласува дека ВМРО-ДПМНЕ нема свој кандидат за Град Скопје, нема свој кандидат за Центар, а сè уште нема објавено кандидати за Битола, Струмица, Карпош, Аеродром…
„Мицкоски може да тактизира и да моли други партии, да блефира со ново мнозинство, но тоа нема да го спаси од нов изборен пораз, седми по ред“, велат од СДСМ и додаваат дека на 17 октомври граѓаните ќе го поддржат концептот со кој ќе продолжи развојот на општините и напредокот на државата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
