СДСМ: Не успеа блокадата на Собранието
Два дена им беа доволни на граѓаните да видат дека не успеа блокадата на Собранието, велат од владејачката СДСМ во писмено соопштение испратено до медиумите.
„Пропаднаа обидите за деструкција од страна на ВМРО-ДПМНЕ и ништо не се постигна, освен што се одолговлекуваше усвојувањето на дневниот ред.
Два дена се потрошија на бесмислени предлози, но сепак дневниот ред се усвои и Собранието продолжува со работа.
Таков е Законот за Финансиска стабилност во кој се прифатени амандмани на ВМРО-ДПМНЕ и прифатено е нивното барање истиот да се разгледува во погорните точки на дневен ред, но и за нивниот прифатлив предлог гласаа против дневниот ред.
Гласаа против и за Законот за спречување перење пари и финансирање тероризам, затоа што нивните заложби се декларативни.
Тоа е дефиниција за лицемерие, а лицимерие е второто име на ВМРО-ДПМНЕ.
Во време на најголема светска економска и енергетска криза, Собранието мора да биде фукционално и да носи решенија во интерес на граѓаните“, се наведува во соопштението.
Од СДСМ додаваат: „Блокадите по налог на Христијан Мицкоски повторно ќе бидат поразени.
СДСМ работи за граѓаните, ќе ги надминеме сите блокади и опструкции од опозицијата и сите потребни законски решенија кои се во интерес на граѓаните и државата ќе бидат донесени“.
13.05.2022 - 09:22
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
