СДСМ оди во опозиција во најголемата македонска општина - формирано ново мнозинство
Формирано е ново мнозинство во Советот на општина Куманово. Како што дознава Press24 од партиски извори, мнозинството ќе го сочинуваат советниците од листата на Максим Димитриевски која има 8 столлчиња, листата на ВМРО-ДПМНЕ со 7, Алијанса на Албанците и Алтернатива со 2 и Левица со 1 советник. Сите заедно имаат 18 советнички мандати што е повеќе од доволно во општинскиот совет кој брои 33 места.
Ова е прв пат СДСМ да биде опозиција во општина Куманово, која е најголема општина во Македонија според бројот на гласачи.
Во оваа општина во недела ќе има втор круг на гласање за градоначалник а благо водство во првиот круг имаше Максим Димитриевски кој влезе како независен кандидат.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа