СДСМ: Протестите не беа за европскиот предлог туку неуспешен обид за рушење на Владата
СДСМ смета дека протестите предводени од ВМРО-ДПМНЕ и Левица имале намера да ја урнат Владата.
„Протестите на антиевропската коалиција предводена од опозициската ВМРО-ДПМНЕ и проруската Левица не беа прориц последниот европски предлог туку нивната заднина беше неуспешен обид за рушење на Владата.
Сега кога информацијата за европскиот предлог е во Собранието, сите тоа јасно можат да го видат.
Крвавите сценарија со намерно создавање тензии, конфликти, загрозување на стабилноста во државата се всушност борба за гола власт.
За свои лични цели, Мицкоски заедно со Апасиев беше подготвен да ја втурне целата држава во конфликт, преку опасно, мрачно и крваво сценарио за граѓански судир и етнички конфликт. Не успеја овие сценарија кои беа помогнати и од Алијанса.
Сега е одговорност на Собранието и избраниците на граѓаните да донесат одлука за иднината.
Сите политички чинители во државата сега треба да покажат одговорност, да придонесат важната државна одлука да биде донесена во демократска атмосфера.
Сериозни времиња бараат одговорни политичари.
Наместо насилство и дестабилизација да избереме хармонија и просперитет, во спротивно губитник е Република Северна Македонија и сите нејзини граѓани“, велат од СДСМ.
08.07.2022 - 09:38
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
