СДСМ: За еден ден Арсовска го укина бесплатниот превоз, укинува мерки против загадувањето

Дали градоначалничката на ВМРО-ДПМНЕ, Данела Арсовска смета дека со мерка која трае 1 ден го решила аерозагадувањето во главниот град?, прашува владејачката СДАСМ откако Арсовска на брифинг со новинарите рече дека се укинува мерката за бесплатен јавен превоз.

-Нема друго логично објаснување зошто Данела ги укинува мерките за спречување на загадувањето на воздухот во Скопје, а нема ниту дополнителни мерки. Арсовска за три пати го намали буџетот за Секторот за животна средина, ги намали и средствата за субвенционирање на трошоците за набавка на инвертори. Исто така ги укинува и девалвира добрите еколошки проекти воведени од градоначалникот на СДСМ Петре Шилегов. Со ваквиот пристап Арсовска не го решава проблемот со загадувањето на воздухот во главниот град, нема ниту знаење ниту способност за тоа и покажува неспособност и аматеризам, се вели во реакцијата од СДСМ.