Се преврте автомобил кај струмичко- има повредени
Едно лице е повредено во сообраќајна несреќа што случила утрово околу 08:00 часот на патот Струмица-Ново Село, на делницата меѓу селата Секирник и Сушица.
Според портпаролката на СВР Струмица Александра Трајанова, до несреќата дошло откако автомобил марка „пежо“ со струмички регистарски таблички излетал од патот и се превртел на покривот.
Во автомобилот имало три лица. Еден од сопатниците е повреден и е пренесен на лекување во Струмичката болница.
На местото на несреќата увид изврши полицијата.
24.04.2021 - 14:05
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа