Шекеринска ги посипа со пепел личниот и партискиот став

Заменик претседателката на СДСМ Радмила Шекеринска по примерот на партискиот лидер Зоран Заев го негираше сето она што таа и партијата го изнесуваа како став досега. Во врска со победа на Доналд Трамп на претседателските избори таа утрово истакна дека поддршката од медиумите не е доволна кога народот ја изразува волјата, пишува Курир.

-Не можам да кажам дека како жена не сум разочарана што во Белата куќа не влезе жена-претседател, но тоа е одраз на демократската волја на граѓаните, како што ќе биде на 11 декември во Македонија. Резултатите покажаа дека и покрај големата медиумска поддршка и покрај сите предвидувања, волјата на граѓаните не може да се заобиколи, истакна утрово Шекеринска.

Ставот дека волјата на граѓаните е клучна во изборите години наназад постојано го истакнуваат од ВМРО-ДПМНЕ. Претседателот на партијата и високите партиски функционери во своите настапи постојано говорат дека само народот е тој што одлучува и што ја дава поддршката на оние кои сметаат дека треба да ја добијат нивната доверба за натамошно управување со државата и реализација на проектите.

 
 
09.11.2016 - 12:03

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега