Шилегов: Имаме со што да излеземе пред скопјани на локалните избори

Работа на политичките партии е да ги договорат термините за локалните избори, а ние сме подготвени и имаме со што да излеземе пред скопјани, изјави денеска градоначалникот на Град Скопје Петре Шилегов, коментирајќи го предлогот локалните избори да се одржат на 31 октомври.

– Што се однесува до скопјани, јас знам дека им е сосема сеедно дали изборите ќе бидат порано или на 31 октомври, затоа што знам дека ќе изберат континуитет во дејствувањето и функционирањето на градот. Ние сме спремни. Имаме и со што да излеземе пред скопјани. Имаме што да понудиме како продолжение, како континуитет на оваа успешна скопска приказна, потенцира Шилегов на денешната прес-конференција по повод почетокот на реконструкцијата на улицата „Лука Геров“ во Општина Петров.

Во однос на забелешката на ВМРО-ДПМНЕ дека „согласно Уставот, локалните избори треба да се одржат до средината на месец октомври“, Шилегов оцени дека станува збор за обид за проблематизирање на изборите.

– Мислам дека повеќе станува збор за изговори со обид да се проблематизираат локалните избори, имајќи во предвид дека и на ДПМНЕ му е јасно дека особено во Скопје нема што да бара на изборите, нагласи Шилегов. 

21.07.2021 - 12:42

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега