Шилегов тврди дека честото прскање против комарци ќе им штети на граѓаните

Градоначалникот на Скопје, Петре Шилегов вели дека против комарци прскале пред десетина дена и предупреди дека зачестените интервенции се опасни по здравјето на граѓаните. Прскањето против комарци беше закажано за денеска, но поради лошите временски услови беше одложено за утре.

-Ако прскањето е зачестено, може да го загрози здравјето на граѓаните, што навистина мислам дека треба да се има во предвид. Токму тоа беше причината што имавме пауза од десетина дена - кажа Шилегов.

Со авионското прскање ќе бидат опфатени над 10 илјади хектари и 54 жаришта на комарци. За вонредната дезинсекција, Шилегов тврди дека нема да се потрошат дополнителни средства од градската каса.