Синот на Трамп продава маици со напис „Оружјето не убива луѓе, Алек Болдвин ги убива“
Само неколку дена по трагедијата на снимањето на „Раст“, во која актерот Алек Болдвин ја уби снимателката Халина Хачинс, најстариот син на Доналд Трамп, Доналд Трамп Џуниор, ја искористи можноста да го исмева актерот.
Синот на поранешниот американски претседател сподели неколку фотографии и стории на Инстаграм по трагичниот инцидент, а една од најновите стории покажува маица со натпис: „Оружјето не убива луѓе, Алек Болдвин убива луѓе“. Фотографијата е придружена со линк до веб-страницата на помладиот Трамп, каде маицата се продава за 27,99 долари.
Трамп Џуниор на една приказна ставил и фотошопирана фотографија од актерот облечен во маица со горенаведениот натпис.
Доналд Трамп Џуниор. сподели меме на Инстаграм во неделата: „Ајде сите да гледаме како Алек Болдвин го обвинува пиштолот“, а објавата била насловена „Само е прашање на време “. Исто така, пред тоа, тој сподели уште едно меме со фотографија на Алек Болдвин: „Тој изглед кога противникот по оружје убива повеќе луѓе со пиштол отколку што некогаш направила вашата голема колекција огнено оружје…“
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
