СИТЕЛ: Македонија добива најмалку 400 милиони долари годишно од иселениците

Најмалку 400 милиони долари годишно влегуваат во земјава од иселениците во форма на дознаки. Овие пари се околу 4 отсто од БДП покажуваат резултатите од двегодишното истражување, за тоа колку овие средства се значајни за социјалниот развој на државите. Бројката е двојно повисока доколку се земе в предвид дека голем дел од сумите што ги праќаат иселениците стигнуваат во земјава по нелегален пат. Истражувањето покажува дека домаќинствата во просек добиваат по 2500 евра годишно, а овие износи значително влијаат на намалување на сиромаштијата.

Македонија според износот на средства што ги прима како дознаки е некаде на средно ниво. Најголем дел од нив доаѓаат од високоразвиените земји од ЕУ како и од САД и Австралија. Парите најмногу се трошат за храна и други основни потреби, а сосема малку за инвестирање. Од земјите во регионот Косово има највисоки суми. За пример во Србија, дознаките се 8,5 отсто од БДП, а намената на средствата е иста како и кај нас.

Една од водечките земји во светот со дознаки кои зафаќаат 30 отсто од БДП е Киргистан. Но, и оваа земја како што истакна претставникот од таму, сеуште нема стратегија за тоа како поефективно да ги искористи овие средства.

 
 
22.09.2016 - 19:58

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега