Славевски:Според предложените мерки се испостави дека Владата нема никаков план за справување со ситуацијата

Професорот Трајко Славевски кој што е и член на Извршниот Комитет на ВМРО-ДПМНЕ вечерва гостуваше во емисијата „Што не е јасно“ на Телевизија Алфа каде што говореше за предложените економски мерки од Владата. 

Според него Владата требаше да ја предвиди состојбата и адекватно и правовремено да реагира, но сега се испостави дека власта нема никаков план.

„Посериозно е тоа што Владата иако требаше да очекува ваков удар беше предупредувана од бизнисот, универзитетски професори, новинари поставуваа прашања уште пред месец, три недели да речеме, самата признаваше дека нема план и се испостави дека нема план. Тоа е уште посериозно од она што го слушнавме како „одговор“ на економската криза која тропа на вратата на Република Македонија. И јас би рекол нешто што треба да го лечите или да се борите со базука да употребам еден милитарен израз вие го лечите со пиштолче на вода. Во право се сите оние кои што тврдат дека пристапот е несериозен и мерките се несериозни. Веројатно треба да очекуваме во следните денови нешто порадикално и посериозно затоа што состојбата е навистина тешка на економски план“, истакна Славевски.

 

 

 

Добивајте вести на Viber

19.03.2020 - 21:42

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега