Сончево со пролетни температури, но и низа промени во текот на неделата

Времето денеска ќе биде сончево со мала до умерена облачност. Ќе дува слаб до умерен ветер од јужен правец.

Утринските температури ќе се движат од пет до 15 степени, а максималните дневни ќе достигнат 26 степени.

Во Скопје слично време со максимална дневна температура до 26 степени.

Во среда времето ќе биде променливо облачно, а од пладневните часови со повремен локален дожд. Ќе дува слаб до умерен јужен ветер кој краткотрајно ќе засилува.

Од четврток до сабота следува период на сончево време со мала до умерена облачност. Ќе дува слаб ветер од југозападен правец, а максималните дневни температури ќе бидат до 29 степени.