Србин убиен во Колумбија: Дошол како турист, изрешетан со неколку истрели во автомобилот

Слободан Марјановиќ (40), родум од Жабљак, е убиен вчера во Санта Марта, Колумбија. Според колумбиските медиуми, телото на српски државјанин било пронајдено покрај автопатот, а првите резултати од истрагата укажуваат дека тој бил убиен со неколку истрели и дека телото потоа било исфрлено од автомобилот. Засега наведуваат дека тој престојувал во Колумбија како турист.

Првите податоци укажуваат дека тој во Санта Марта пристигнал пред неколку дена како турист, врз основа на нараквицата што ја имал на раката, според која е утврдено дека бил гостин во хотелот „Ел Родадеру“, според Елинформадор.

Полициските извештаи покажуваат дека тој имал најмалку три рани од куршуми.

„Се проверува дали е убиен во автомобилот од кој бил фрлен со оглед на тоа што мештаните пријавиле во полиција дека слушнале истрели, а потоа телото го пронашле покрај патот. Еден правец на истрагата е дека убиениот Марјановиќ бил пресретнат од неколку лица за да го ограбат и затоа бил убиен. Другиот правец на истрагата е дека ги познавал луѓето што го убиле и оти отишол да ги пречека“, откриваат тие.