Стигнаа честитките за Џафери од Албанија: Албанскиот претседател му посака среќа на новиот премиер

Претседателот на Албанија, Бајрам Бегај, му честиташе на Талат Џафери за неговиот избор за шеф на техничката влада на Северна Македонија.

-Најискрени честитки до новата техничка влада на Северна Македонија и нејзиниот премиер, Талат Џафери. И покрај временските ограничувања и овластувањата, оваа влада има предизвик и привилегија да спроведе слободни и фер избори, да ја одржи стабилноста и евроатлантскиот курс на земјата и да ја докаже способноста да биде инклузивна и кооперативна со сите фактори, без политичка и етничка разлика, напиша Бегај на Фејсбук.

Исто така оценува дека Албанците се важен фактор за стабилноста и иднината на РСМ и оти „ова е случај да докажат дека лидерството го гледаат само во перспективата на интеграција на РСМ во ЕУ“.