Студ и температури во минус: Метеоролозите најавуваат поларно студена ноќ
Под влијание на многу студена воздушна маса која се спушта од Арктикот, но и поради разведрувањето кое се очекува насекаде низ државава во текот на претстојната ноќ, температурите на воздухот ќе бележат тенденција на понатамошно драстично опаѓање и до утре изутрина насекаде ќе бидат негативни, односно истите ќе се спуштаат во интервалот од -11 до -3 степени, информира метеорологот Славчо Попоски.
Во Скопје до утре изутрина минималната температура на воздухот се очекува да се спушти до околу -7 степени. Максималните температури утре сеушто ќе бидат ниски и ќе се искачуваат во интервалот од 3 до 9 степени, во Скопје максималната дневна температура утре ќе се искачи до околу 3 до 4 степени а времето низ државава ќе биде претежно сончево со мала локална облачност.
Од среда па натака под влијание на јужно воздушно струење, температурите на воздухот ќе бидат во пораст а времето ќе биде променливо облачно со повремени локлани слаби врнежи од дожд во среда кон крајот на денот и навечер. Поинтензивни врнежи ќе има во четврток во вечерните и ноќните часови кон петок а врнежи од снег поради релативно топлото време ќе има само на повисоките планини.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа