Студено утро, но топол ден - Какви температури да очекуваме денеска?

Утрово времето ќе биде студено, а преку ден претежно сончево. Ќе дува слаб ветер од североисточен правец. Минималната температура ќе се движи во интервал од -4 до 2, а максималната ќе достигне од 14 до 19 степени.

Во Скопје ќе биде сончево. Минималната температура ќе се спушти до 0, а максималната ќе достигне 16 степени.

Во наредните денови продолжува периодот на претежно сончево време со студени утра. По одделни котлини во утринските часови ќе има услови за магла и ниска облачност, особено во југозападните и југоисточните делови.