Судот пресуди: Затвор за Паско Кузман

Шестмина обвинети меѓу кои и поранешниот директор на Управата за заштита на културното наследство, Паско Кузман ќе одлежат затворски казни за трговија со артефакти и злоупотреба на работните позиции, пренесе Телма.

Кузман е осуден на 3 години затвор затоа што издал согласност на физички лица за изведување земјени работи на две локации со цел проверка на наводите за постоење културно–историско наследство.

Првообвинетиот, поранешниот раководител на Одделението за превенција во Управата за заштита на културно наследство, Бојчевски, кој беше најгласен во текот на постапката, беше осуден на затворска казна од седум и пол години за делата: злосторничко здружување, злоупотреба на службената положба, тешка кражба и прикривање.

Тој во своја одбраната тврдеше е жртва на лажен сведок и мета на одмазда токму поради тоа што успешно се справувал со нелегалната трговија со артефакти. Според него, зад трговијата со артефакти во Македонија стојат големи финансиски моќници кои се инфилтрирани во секоја сфера на општеството.

Според обвинителството се тврди дека овој документ не е предвиден со законските и подзаконските акти на Управата. Кузман на судењето тврдеше дека единствено Управата е надлежна за издавања согласност во вакви случаи.

 
 
15.01.2016 - 12:59

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега