Судскиот совет в петок на јавна седница ќе одлучува за дисциплинска одговорност на судијката Беса Адеми
Судскиот совет попладнево со осум гласа „за“ одлучи да биде јавна седницата на која ќе се одлучува по иницијативата за дисциплинска одговорност на претседателката на Врховниот суд Беса Адеми. Седницата е закажана за овој петок.
Според Законот за Судски совет, постапката за утврдување одговорност на судија е од доверлив карактер и треба да биде без присуство на јавноста, но судијката Адеми побарала на сослушувањето на биде присутна јавноста, односно да бидат присутни медиумите.
Иницијативата за дисциплинска одговорност со разрешување беше поднесена откако Адеми во интервју за САКАМДАКАЖАМ.МК посочи дека судот со којшто раководи се соочува со политички притисоци и закани од разрешување на врховни судии.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
