СЗО ги истражува причините за високото ниво на заразен медицински персонал

Светската здравствена организација (СЗО) ги истражува причините за масовното заразување на медицински персонал со коронавирус во повеќе држави од светот.

-Од многу земји пристигнуваат информации дека бројот на заразени лекари, сестри и други медицински лица достигнал и до 10 отсто од вкупниот медицински персонал,  а тоа е алармантна тенденција, изјави генералниот директор на СЗО Тедрос Адханом Гебрејесус.

СЗО ги истражува причините за оваа појава врз основа на информациите од Италија, САД, Шпанија, Кина и Сингапур. Во повеќето случаи, смета тој, станува збор за недостиг од искуство при работа со патогени на дишните патишта, долготрајните смени на лекарите и работата со голем број пациенти без доволно одмор.

-Податоците покажуваат дека заразата може да се спречи доколку медицинските работници правилно ги ставаат и носат личните заштитни маски и облека. Пристапот на таквите луѓе до маски, ракавици и други средства за индивидуална заштита е многу важна за тие да можат сами да ја вршат безбедно својата работа, подвлече д-р Гебрејесус. 

 

 

 

Добивајте вести на Viber

10.04.2020 - 19:33

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега