СЗО: Омикрон сепак не е толку опасен
Техничката раководителка на Светска здравствена организација (СЗО) за ковид-19, Марија ван Керкова изјави дека според првичните информации лицата заразени со сојот омикрон обично имаат поблага форма на болеста. Но, Керкова додаде дека е прерано да се зборува за тоа.
Ван Керкова наведе дека е потребно време за заразените да минат низ целиот процес на инфекција и оти можеби ќе минат неколку недели пред навистина да стане јасно колку луѓе од заразените со сојот омикрон ќе развијат тешка форма на болеста.
Сепак, таа предупреди дека дури и да се работи за полесна форма на болеста, важно е брзо да се делува за да се преземат мерки за контрола на нејзиното ширење.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа