СЗО соопшти дали ќе биде прогласена вонредна состојба на глобално ниво поради новиот вирус

Светската здравствена организација соопшти дека нема да прогласи меѓународна вонредна состојба во сферата на јавното здравје поради новиот коронавирус што се појави во Кина.

Експертите на СЗО посочија дека не гледаат причина за таков потег во оваа фаза, но сепак сметаат дека е неопходно денеска да продолжат дискусиите за прашањето во Женева.

Кинеските власти го известиле СЗО на 31 декември за појавата на досега непознатата пневмонија во централниот град Вухан, со население од 11 милиони луѓе. На 7 јануари кинеските експерти ја идентификуваа причината за заболувањето – коронавирус 2019-nCoV.

Возовите и авионите се запрени од вчера во Вухан за да се ограничат ризиците од меѓународно ширење на заразата.

Според ажурираните бројки, властите во Кина потврдија 17 смртни случаи на коронавирусот, а 554 други се заразени. Пациентите со коронавирус се во Вухан, Пекинг, Шангај, Шенжен и во други градови. Инфицирани со коронавирусот има и во Јапонија, Филипините, Јужна Кореја, Тајван, Тајланд и САД.

 

 

 

 

Добивајте вести на Viber

23.01.2020 - 08:19

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега