СЗО уште не знае дали коронавирусот настанал по природен пат

Регионалниот директор на Светската здравствена организација за Европа, Ханс Хенри Клуге, денеска изјави дека СЗО се уште не располага со целосни податоци за потеклото на коронавирусот и не зане дали тој настанал по пророден пат или не, но порача дека истражувањата и натаму продолжуваат.

Во интервју за руската агенција Тасс, Клуге кажа дека со ова прашање се занимаваат кинеските научници, а СЗО е повикано само да учествува во истражувањето.

-Сето тоа е во тек, секако, и е нешто што е многу важно да го дознаеме. Но не можам да кажам ништо повеќе бидејќи не сакам да го загрозам овој многу важен процес. Најважно е дека ние сме дел од тоа, рече Клуге.

Експертот на СЗО смета дека прашање на време е кога ќе се појави нова пандемија.

-И оваа ја предвидовме, но повторно не затекна неподготвени, наведе тој, додавајќи дека нова пандемија секако ќе има, но сите ние треба подобро да бидеме подготвени за неа.

 

 

 

Добивајте вести на Viber

28.09.2020 - 18:38

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега