Тага во регионот: Прваче почина за време на настава - откриена причината за смртта

 

Ученик во прво одделение во Основното училиште „Зенеј Хајдини“ во село Рајница кај Прешево, 6-годишниот Ф.Ј. починал вчера за време на настава. Според зборовите на наставничката Ифета Ибрахими, момчето на почетокот на петтиот час само одеднаш паднало од столчето.

-Детето не се пожали дека нешто го боли, а никому не му е познато дека имало здравствени проблеми. Кога падна од столчето го кренав и повикав помош. Брзо го однесовме на лекар - рекла наставничката.

Шукри Имери, директор на училиштетот кажал дека докторите 20 минути се обидувале да го реаниимираат, но можеле само да констатираат смрт.

Директорот додал дека момчето било покрупно и повисоко од останатите деца и дека во текот на денот не се жалело на тегоби. Обвинителката од Врање, Данијела Трајковиќ  поттврдила дека момчето починало поради проблеми со срцето.

На телото на момчето немало повреди. Со оглед на тоа дека починало природно, родителите не сакале да се врши обдукција.

 

 

 

12.10.2018 - 09:12

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега