Таравари: Ќе им ги дадеме сите пратеници на ДУИ ако дозволат да отвориме една гласачка кутија
Генералниот секретар на Алијансата за Албанците, Арбен Таравари, и порача на ДУИ дека АА и Алтернaтива ќе и ги стават на располагање сите 12 пратеници доколку се согласат да се отвори барем една гласачка кутија во Зајас и ако притоа се утврди дека сите што гласале се живи и се во земјава.
-Нека изберат една гласачка кутија во Зајас, која сакаат тие, нека изберат и нека кажат оваа ја избравме. И нека ја отворат таа кутија. Доколку сите тие кои гласале, се од Зајас, ние за 5 минути, АА и Алтернатива, ќе излеземе и ќе и ја честитаме на ДУИ победата и ќе се извиниме на граѓаните што им досаѓавме и 12-те пратеници ќе и бидат на услуга на ДУИ во следните години – рече Таравари во изјава за ТВ 21.
Откако ДИК и Управниот суд ги отфрлија нивните приговори и жалби за изборни прекршувања во 5 и 6 изборна единица, главно за полнење на кутии, тие за понеделник најавуваат протестен марш во Скопје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа