Татко на две ќерки, љубител на фудбал - по несреќата кај Ласкарци му беа направени две операции, а денеска почина

Триесет и деветгодишниот Ферди Касо од Гостивар е последната жртва од тешката сообраќајна несреќа кај Ласкарци, каде во попладневните часови на 13 февруари се преврте патнички автобус. Касо е 15 жртва во трагедијата, а на скопските клиники во животозагрозувачка состојба се наоѓаат пет повредени лица.

Како што пренесува „ТВ Шења“, Касо е татко на две деца, љубител на фудбал.

Како што соопшти Министерството за здравство, 15 жртва подлегна на повредите утрово во 5 часот на Клиниката за анестезија, реанимација и интензивно лекување – КАРИЛ во Скопје.

Патникот при несреќата се здобил со тешки повреди на градниот кош и белите дробови и веднаш е пренесен во болницата „8-ми Септември“, од каде поради сериозноста на повредите уште вечерта е пренесен на КАРИЛ.

Врз повредениот биле извршени две операции истата вечер откако бил донесен на Клиниката, поради големото крварење од белите дробови.

 

 

 

Добивајте вести на Viber

16.02.2019 - 11:53

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега