Тензиите растат: Тајван ги крена борбените авиони поради кинеските воени вежби

Министерството за одбрана на Тајван ги крена своите авиони поради пробивањето на зоната за противвоздушна одбрана од страна на кинеските авиони.

Тајван испратил авиони и распоредил ракети за да се следат кинеските активности за време на воените вежби.

Тензиите се зголемија откако претседателката на американскиот Конгрес, Ненси Пелоси пристигна во посета на Тајван.

„Пелоси не е свесна за мноштвото проблеми во својата земја и не се грижи за егзистенцијата и благосостојбата на своите сограѓани, туку прави политички трикови и го повторува она што со бројни факти е докажано дека е лага на векот,“ напиша на Твитер портпаролката на кинеската Влада Хуа Чунјинг.