Тестовите во „Жан Митрев“ се плаќаат, Филипче ќе предложи Фондот да ги покрива

Пациентите кои тестирање за коронавирус закажуваат на Клиниката „Жан Митрев“ тестот го плаќаат, рече денеска министерот за здравство Венко Филипче одговарајќи на новинарско прашање.

На почетокот на минатата недела тој извести дека ги обединиле капацитетите за тестирање со Клиниката „Жан Митрев“ поради зголемената потреба за тестирање.

-Тестовите се уште се плаќаат. Денес ќе заврши анализата, проверката, состаноците во сите лаборатории кои покажаа интерес и кои кажаа дека ги исполнуваат условите. Кога ќе заврши увидот во нашата лабораторија ќе се достави соодветен предлог до Фондот, со цел да се зголеми капацитетот на тестирање, рече Филипче.

Тестирањата во моментот се вршат во лабораторијата во ИЈЗ, а министерот минатата недела извести оти и лабораторијата на Ветеринарниот институт ги условите и имала соодветна опрема за тестирањата за коронавирус.

Пред одлуката да се обединат лабораториите, пациентите кај кои во „Жан Митрев“ беше потврден коронавирусот, задолжително се тестираа и во лабораторијата на Институтот за јавно здравје Покрај Клиниката „Жан Митрев“ за тестирањата министерот вели дека добиле понуди од уште неколку приватници и најави дека Фондот ќе склучи договори со сите кои ги исполнуваат условите.

 За тестирањето за коронавирус во „Жан Митрев“ тестираните пациенти велат дека платиле по 1500 денари. Министерот Филипче најави дека Фондот за здравство ќе склучи договори и со болници кои имаат легла за интензивна нега, а ќе се користат само во случај ако државните капацитети се пополнат.

 

 

 

Добивајте вести на Viber

25.03.2020 - 18:13

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега