ТетоваСот: АА го бара Министерството за здравство и правда за влез во Влада

До Алијанса за Албанците пристигнале две понуди за нивен влез во Владата, пишува порталот „Тетова сот“. Како што објави овој портал, едната понуда била Алијанса за Албанците да биде во власт заедно со СДСМ, ДУИ, ДПА и Алтернатива.

Втората понуда била владина коалиција без Алтернатива.

Првата понуда е доколку Алетренатива остане во Владата, Алијанса за Албанците ќе ги добие Министерството за здравство, ресор кој во моментов му припаѓа на Алтернатива и Министерството за правда. Ќе добие двајца заменици министри, но и директорски позиции во Фондот за пензиско, Македонска пошта, Управа за матични книги, државниот правобранител и железницата.

Втората понуда е доколку Алтернатива не остане во владата, АА ќе добие тројца министри и двајца заменици министри, Министерството за здравство, правда и Министерството за администрација и сите директорски позиции што ги има Алтернатива.

Наводно во текот на следната недела Алијанса за Албанците треба да пресече.

Во моментов се одржува средбата меѓу американската амбасорка Анџела Агелер во земјава и АА. По завршување на состанокот се очекува преку писмено соопштение до медиумите да дознаеме за што се разговарало на оваа средба.