Трамп: Вакцина против коронавирусот може да се појави пред изборите

Американскиот претседател Доналд Трамп денеска изјави дека вакцината против коронавирус САД може да имаат уште пред ноемвриските избори.

Одговарајќи на прашање кога ќе има вакцина, во радиоинтервју со конзервативецот Џералдо Ривера, Трамп изјави: „До крајот на годината, а може и уште порано”.

-До 3 ноември ? праша соговорникот, на што Трамп одговори дека „во некои случаи може и порано, но приближно некаде околу тој период”.

Ваквата прогноза е многу пооптимистичка од прогнозите на владините експерти за здравство кои се сомневаат дека вакцина може да има до крајот на оваа или до почетокот на 2021 година.

Во интервју за весникот Вашингтон пост, д-р Антони Фаучи, водечки експерт за инфекциски заболувања, неодамна изјави дека неговите предвидувања се вакцината да биде спремна за употреба следната година на пролет.

 

 

 

Добивајте вести на Viber

06.08.2020 - 21:42

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега