Уапсени 9 млади - во автомобилот во кој се возеле пронајдена поголема количина дрога
Девет млади лица се уапсени вчера вечер во Кичево откако во автомобилот со кој се возеле била пронајдена поголема количина дрога.
-Синоќа во 02.40 часот, во близина на автобуската станица во Кичево, при преглед на патничко возило „мерцедес“, со кичевски регистарски ознаки, управувано од А.К.(21) од Скопје, пронајдени се и одземени четири ќеси со кокаин и една со марихуана. Тој, заедно со сопатниците В.А.(21), Д.Г.(20), Д.О.(20), М.Т.(19), А.Т.(19), М.Б.(20), Ф.К.(20) и А.Т.(20), сите од Скопје, се приведени во полициската станица во Кичево, велат од полицијата.
По целосно документирање на случајот, ОВР Кичево ќе поднесе соодветна пријава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
