Ураганот Ирма ослабна на ниво на тропско невреме

Првично ураган, а потоа тропската бура Ирма веќе ослабна на ниво на тропско невреме, а најверојатно до вечерва дополнително ќе губи на сила, соопшти американскиот Национален центар за урагани во САД.

Ирма денеска се наоѓа на околу 150 километри јужно и југозападно од американската сојузна држава Атланта, а ветерот, пропратен со обилен дожд, се движи со брзина од 55 километри на час.

 

Поради ураганот Ирма околу 6,5 милиони домови во Флорида останаа без електрична енергија, а голема штета е пријавена на коралниот архипелаг Флорида Киз.

Жителите на Флорида Киз се евакуираа пред налетот на ураганот Ирма, а голем број куќи и монтажни објекти останаа без покриви, а уништетна е и инфраструктурата. На брегот има насукано многу бродови, кои се оштетени од силниот ветер.

Во налетот на Ирма во Флорида загина четири лица, а на Карибите 37. Ураганот на Куба одзеде десет животи, а на островите Сен Мартин и Сен Барт настрадаа девет луѓе, а седум се водат како исчезнати, додека во холандскиот дел од Сен Мартин загинаа четири лица.

Ирма нанесе голема штета и на островите Теркс и Кејкос, а едно лице загина на Барбуда, како и на Ангвили.

Најмалку тројца настрадаа во Порторика, петмина на Британските Девствени Острови, а четворица во Американските Девствени Острови.

Властите во американската сојузна држава Северна Каролина соопштија дека едно лица загина во тропската бура Ирма.

Во Џексонвил, северозападна Флорда издадена е наредба за итна евакуација, бидејќи се стравува од поплави поради зголемување на нивото на водата со доаѓањето на плимата.

 

 

 

 

12.09.2017 - 10:56

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега