Уште едно поскапување: Регулаторна ги објави новите цени на горивата

Три недели по ред се зголемуваат малопродажните цени на нафтените деривати. Регулаторната комисија за енергетика ги објави новите цени кои ќе важат од полноќ.

Согласно Методологијата за формирање на цените, оваа недела цените зголемуваат во просек за 1,96%.

Малопродажните цени на бензините ЕУРОСУПЕР БС-95 и ЕУРОСУПЕР БС-98, на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), се зголемуваат за 1,00 денар/литар, во однос на малопродажните цени утврдени со Одлуката од 15.06.2020 година.

Со тоа малопродажната цена на ЕУРОСУПЕР БС-95 изнесува 60,50 ден/лит, малопродажната цена на ЕУРОСУПЕР БС-98 изнесува 62,50 ден/лит, малопродажната цена на дизелот ЕУРОДИЗЕЛ (ДЕ V) изнесува 52,00 ден/лит, додека малопродажната цена на Екстра лесното масло за домаќинство (ЕЛ-1), изнесува 41,00 ден/лит.

Зголемувањето се должи на поскапувањето  на цената на нафтените деривати на светскиот пазар во изминатиот седумдневен период. 

 

 

 

Добивајте вести на Viber

22.06.2020 - 12:46

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега