Велковски: ВМРО-ДПМНЕ блокираат важни закони во Собранието, затоа пак ќе бидат казнети од граѓаните

Свесно и намерно, пратениците на ВМРО-ДПМНЕ со месеци кочат важни законски решенија, изјави денеска на прес-конференција Диме Велковски од СДСМ.

„Поради нивната деструктивност и неодговорност закочена е постапката за изградба на нов Клинички центар во Скопје, најважен капиталрн проект за македонското здравство. ВМРО-ДПМНЕ го кочи и законот со кој ќе се унапреди енергетската ефикасност, со кој детски градинки, училишта и болници треба да добијат енергетски ефикасни фасади и нови, еколошки системи за греење“, посочи пратеникот од владејачката партија.

Исто така, според Велковски, како никаде во светот, опозициската партија се противи на законско решение со кое главниот град добива нов ефикасен и еколошки јавен транспорт.

„Овие блокади се доказ за тоа до каде оди деструктивноста на ВМРО-ДПМНЕ и нивните пратеници. Граѓаните, јавност, го гледаат таквиот антинароден и антидржавен однос на опозициската партија и затоа им следи нов изборен пораз веќе на локалните избори“, рече претставникот на СДСМ.