(ВИДЕО) Италијански медиуми: Двајца од 12-те македонски државјани се тешко повредени

Возач на автобус од Македонија загина, 12 лица македонски државјани повредени, од кои две во тешка состојба е билансот на сообраќајната несреќа која се случила попладнево во Италија, јавува „Ил Ресто дел Карлино“. Покрај автобусот, биле вклучени и два камиони, од кои едниот превезувал алкохол.

Несреќата се случила на автопатот Асколи – Анкона, во тунел. Според информациите, најпрво автобусот се судрил со камионот, а потоа вториот камион налетал и удрил во двете возила.

Веднаш избувнал пожар, а сообраќајот на тој дел бил затворен неколку часа. Возачот на автобусот не успеал да се спаси од пламените јазици.