(Видео) Ковачевски: Не може да има дополнителни блокади од Бугарија

Не може да има дополнителни блокади од Бугарија поради билатерални прашања бидејќи тие се решени во договорот, тврди премиерот Димитар Ковачевски за европската интеграција на Македонија. Тој од Германија посочи дека секој може да даде само забелешки на реформите, а за малцинските права смета дека се уредени на врвно ниво.

„Не постојат дополнителни услови во преговарачката рамка, со тоа не може да има дополнителни блокади“, рече Ковачевски.

Објасни дека во процесот на преговарање секоја земја членка може да даде забелешки на начинот на спроведување на реформите. Пример даде со поглавјето за заштита на животната средина.

„Сите можеме да видиме дека Вардар е најзагадена река во Европа. Заштитата на животната средина е една од точките за пристап во ЕУ. За таа цел, побаравме кредит за пречистителна станица. И тој проект не се работи оти Данела Арсовска не работи на тој проект. И на тоа секоја земја од ЕУ може да даде забелешка. Други прашања од билатерална природа се решени во билатералниот договор со Бугарија“, посочува Ковачевски.