ВИДЕО: Од Турската џамија наместо молитва ечело „Бела чао“

Турските власти отворија истрага откако во градот Измир бил хакиран системот за повикување на молитва, па од минарињата на неколку џамии била пуштена италијанската антифашистичка песна „Бела чао“.

Песната била пуштена наместо повикот на молитва кој се емитува пет пати во текот на денот. Локалниот огранок на турските власти задолжени за верски прашања го потврди овој инцидент и најави отворање на внатрешна истрага и поднесување на пријава до полицијата.

„Песната „Бела чао“ беше емитувана откако непознати лица го саботирале и нелегално го хакирале системот кој повикува на молитва“, стои во соопштението.

Обвинителството во Измир отвори истрага во врска со овој инцидент, а портпаролот на владеачката партија Омер Челик на Твитер го осуди инцидентот и порача дека ќе бидат пронајдени сторителите.

 

 

 

Добивајте вести на Viber

22.05.2020 - 10:32

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега