ВИДЕО: Руски напади врз Харков и Миколаив
Украинските служби известија дека руските сили утринава извршиле нов ракетен напад во областа Харков.
„Во нападот се уништени производствениот капацитет и магацинот. Покривот, третиот и четвртиот кат се делумно уништени. Во зградата избувнал пожар, кој го изгаснале 50 пожарникари со девет возила”, соопшти украинската служба за итни случаи.
Украина објави и дека Миколаив, град на југот на земјата, го претрпел „веројатно најтешкиот напад од почетокот на војната“ во текот на ноќта.
Властите соопштија дека е убиено едно лице. Оштетени се хотел, спортски комплекс, две училишта и бензинска пумпа, како и голем број станбени објекти.
Миколаев е стратешки важен град бидејќи е на пат кон Одеса, главното пристаниште на Украина.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа