(ВИДЕО) Сиднеј: Лавови во акција - ја изгризале оградата, па побегнале
Пет лава ја изглодале оградата од куќата и се вовлекле под неа, по што излегле на прошетка во зоолошката градина во Сиднеј.
Возрасен мажјак и четири младенчиња избегаа, а зоолошката градина прогласи тревога од прв степен. Вработените и посетителите на зоолошката градина се криеле и чекале лавовите да се вратат во заградениот простор.
Зоолошката градина „Таронга“ објави видео на кое се гледа бегството на младенчињата лавови и нивниот татко кои според изјавата на зоолошката градина, биле мирни и се обиделе сами да се вратат во заградениот простор.
Младенчињата и таткото се обидоа неколку пати да влезат во живеалиштето, пишува „Гардијан“.
Инцидентот е под истрага. Од зоолошката објавија дека „независен форензичар“ води детална истрага за причината како можело да се случи да биде уништен дел од оградата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа