ВМРО бара оставка од Заев, СДСМ бара оставка од Мицкоски
Двете најголеми партии во нашата земја, СДСМ и ВМРО-ДПМНЕ, на дневна основа постојано меѓусебно се обвинуваат за актуелната политичка нестабилност во државата, барајќи оставка од лидерската позиција на својата конкуренција.
Преку писмено соопштение од двете партии, и денеска повторно ги потврдија своите ставови.
Од владејачката СДСМ, преку соопштение до медиумите, истакнаа дека бараат претседателот на ВМРО-ДПМНЕ, Христијан Мицкоски да си однесе оставка, како што велат после неговиот пропаднат обид да ја врати државата назад.
„Заев, премиерот во заминување да си оди и од СДСМ по најголемиот пораз во историјата на локалните избори. Заев е делегитимиран од народот. Со пораз од над 100.000 гласови, народот покажа на 31-ви октомври дека Заев не треба да биде ниту еден ден повеќе на власт. Зоран Заев изгуби во над 40 општини. Народот му даде црвен картон на Заев, премиерот во заминување, кој треба да си замине и од СДСМ“, се изјаснија од опозициската ВМРО-ДПМНЕ.
Но, додека на дневна основа траат политичките препукувања, останува отворено прашањето за парламентарното мнозинство во државата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа