ВМРО-ДПМНЕ: Делење тупаници среде главниот град е срам за државата, брука за институциите
„Власта започнува физички да се пресметува помеѓу себе, што значи дека го губат тлото, се зголемува нервозата и знаат дека ќе загубат.
Кога ДУИ и СДСМ ќе се договорат за 14 изгорени луѓе од Тетово, сложно викаат дека крив е кабелот, кога не може да се договорат за бизниси делат тупаници среде Скопје како Бислимоски и синот на Џафери“-реагираат од опозициската ВМРО-ДПМНЕ, преку соопштение.
„Марко Бислимоски е поранешниот член на партиската комисија за енергетика во СДСМ. Муса Џафери, чиј што син дели тупаници низ Скопје е функционер во ДУИ.
Ваквото делење тупаници среде главниот град е срам за државата. Обвинителство да ги повика да кажат што делат, што множат двајцата од власта. Да се истражи не само тепачката туку и мотивите за тепачката. Ова е брука за институциите“-додаваат во соопштението.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа