ВМРО-ДПМНЕ: Филипче наместо да воведе десеттици вакцинални пунктови воведе фашистички мерки

Венко Филипче терајќи политика и грижејќи се за провизии остави луѓето да се вакцинираат во само неколку вакцинални пункта и цело лето да чекаат за вакцина на температури повисоки од 40 степени, онесвестувајќи се, реагира опозициската ВМРО-ДПМНЕ на денешната прес-конференција на министерот Филипче.

Според партијата, тој не направил ништо освен што ги поделил граѓаните.

-Филипче наместо да отвори десетици пунтови за вакцинација и да овозможи услови за вакцинирање против корона се сунчаше на плажите во соседството. Филипче не направи ништо само воведе фашистички мерки и ги подели луѓето, почна да уништува цели сектори, да гази по економијата. Од Филипче веќе никој не очекува одговори. На 17 октомври почнува крајот на функционерите од типот на Филипче, се вели во реакцијата.