ВМРО-ДПМНЕ: Функционери на СДС кријат имот, а за тоа постојат и докази, со месеци и години не го пријавиле својот имот во ДКСК
Функционери на СДС кријат имот, а за тоа постојат и докази. Со месеци и години не го пријавиле својот имот во ДКСК. Алберт Муслиу, Ивица Јевтиќ, Валентин Груевски и Новица Печински, сите кадар на СДС немаат поднесено анкетни листови за функциите кои ги извршуваат, велат од ВМРО-ДПМНЕ.
Од партијата обвинуваат дека овие 4 функционери се дел од 123 функционери на власта кои кријат имот вреден 30 милиони евра.
„Муслиу, Јевтиќ и Печински воопшто не доставиле анкетни листови, а дел се на функции и по 5 години. ДКСК и институциите молчат. Груевски, нема ажурирано анкетен лист, иако на позицијата директор на ЈП Македонски шуми е повеќе од 6 месеци. Ова не се системски пропусти, ова е системско криење. Во прилог доставуваме и фото докази од страницата на ДКСК, од која се гледа како се кријат имоти“, се вели во соопштението.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
