ВМРО-ДПМНЕ го демантира СДСМ: На времето правеа бугарски летоци, сега измислуваат документи

ВМРО-ДПМНЕ утрово испрати демант во однос на документите кои утрово ги испратија од СДСМ, во кои тврдат дека анкетите изнесени на националниот јавен сервис во текот на изминатиот период се лажни. 

„Најостро и изрично ги демантираме информациите првично објавени во еден медиум, а потоа истите лаги дополнети од СДС.

Не постои документ подготвен од Републичкиот изборен штаб на ВМРО ДПМНЕ за злоупотреба на изборниот процес како што се наведува во емисијата на Фуркан Салиу и потоа прераскажани од СДС“, стои во демантот на опозицијата.

Тие велат дека потписите на документот се целосно измислени и не кореспондирале со реалните.

„Иако видовме дека за СДС е нормално да го погрешат презимето на нивниот лидер Ковачевски веројатно разумно и логично е ВМРО-ДПМНЕ да си ги препознава луѓето и потписите од својата партија, нешто што не е случај и во посочениот и измислен документ, што само кажува кој е изворот на веста.

Сметаме дека изворот на ваквите информации се од кујната на СДС кои очајнички прибегнуваат кон дезинформации, фалсификуваат документи соочени со претстојниот пораз.  

За парите дадени на Асаф Исеин можеле да бидат барем малку покреативни во измислувањето.