ВМРО-ДПМНЕ: Народот нема леб, а функционерите на Заев бесрамно трошат народи пари

Набавката на 45 возила од страна на владата за министрите и директорите во ек на криза е безсрамно трошење на народните пари, реагира опозициската ВМРО-ДПМНЕ.

Според партијата граѓаните молат за донации за лекување, молат за донации за храна, молат за работа и преживување, а СДСМ фрла милиони на луксуз.

-Лудилото не запира. По најавата за набавка на 45 возила од владата, ФЗОМ веќе набавил 2 луксузни лимузини за двата директори Стево Крстевски и Фатон Ахмети. Со парите за 47 возила ќе се набавеа 47 амбулантни возила, но народот не и е приоритет на оваа влада, туку личната комоција. Дополнително власта се расфрла во време кога вели дека ќе покачува даноци. Од народот ќе се зема, за да има за луксуз. Бараме да запре ова расипништво. Бараме да се раскинат договоритe за набавка на возила и парите да се пренаменат за купување на амбулантни возила или други неопходни работи, се вели во дописот од ВМРО-ДПМНЕ.